.jpeg)
नियन्त्रित औषधिसम्बन्धी नयाँ नियमबारे 'हेल्थ क्यानाडा'को मार्गदर्शन
नेपालTouch
अन्टारियो। क्यानाडाको स्वास्थ्य मन्त्रालय (हेल्थ क्यानाडा) ले नियन्त्रित औषधिसम्बन्धी नयाँ नियम कार्यान्वयनका लागि सामुदायिक फार्मेसीमा कार्यरत फार्मासिस्ट र फार्मेसी टेक्निसियनलाई लक्षित गर्दै मार्गदर्शन सार्वजनिक गरेको छ।
अक्टोबर १, २०२६ देखि लागू भएका नयाँ नियन्त्रित पदार्थसम्बन्धी नियम (कन्ट्रोल्ड सब्स्टान्सेस रेगुलेसन्स) कार्यान्वयनमा सहयोग पुर्याउने उद्देश्यले मन्त्रालयले मार्गदर्शन जारी गरेको अल्बर्टा कलेज अफ फार्मेसीले जनाएको छ।
‘गाइडेन्स अन कन्ट्रोल्ड सब्स्टान्सेस फर कम्युनिटी फार्मासिस्ट्स एन्ड फार्मेसी टेक्निसियन्स’ नाम दिइएको उक्त दस्तावेजमा नियन्त्रित औषधिसम्बन्धी कानुनी आवश्यकताहरू र तिनको पालना गर्ने तरिकाबारे जानकारी तथा सुझाव समेटिएका छन्।
यो मार्गदर्शन सामुदायिक फार्मेसीमा कार्यरत फार्मासिस्ट र फार्मेसी टेक्निसियनका लागि हो। अस्पताल वा अन्य स्वास्थ्य संस्थामा कार्यरत जनशक्ति भने यसको दायरामा पर्दैनन्।
नयाँ नियमले नियन्त्रित औषधिसम्बन्धी विभिन्न छुट्टाछुट्टै संघीय नियमलाई एउटै कानुनी संरचनामा समेटेको छ।
यसअघि अस्थायी व्यवस्था र छुटअन्तर्गत दिइँदै आएका केही अधिकारलाई पनि नयाँ नियममार्फत स्थायी बनाइएको छ।
नयाँ व्यवस्था लागू भएसँगै फार्मासिस्ट र फार्मेसी टेक्निसियनको अभ्याससम्बन्धी मापदण्डको खण्ड ८.१.२ (बी) (आई) मा उल्लेखित संघीय प्रतिबन्ध लागू नहुने भएको छ।
यसअनुसार बेन्जोडायजेपिनसहित अनुसूची १ मा पर्ने औषधिको प्रिस्क्रिप्सनमा अनुमति दिइएका रिफिल बाँकी रहेमा पहिलोपटक औषधि वितरण गरिएको मितिले १८ महिनासम्म पुनः औषधि उपलब्ध गराउन सकिनेछ।
अल्बर्टा कलेज अफ फार्मेसीले नयाँ संघीय नियमअनुसार आफ्नो अभ्यास मापदण्ड संशोधन गर्ने प्रक्रिया अघि बढाएको छ। संशोधन स्वीकृत नभएसम्म भने फार्मेसीका नियमनमा पर्ने सदस्यले नयाँ संघीय नियमकै प्रावधान पालना गर्नुपर्नेछ।
नयाँ नियम र त्यसको कार्यान्वयनबारे थप जानकारीका लागि अल्बर्टा कलेज अफ फार्मेसीले नियन्त्रित औषधिको प्रिस्क्रिप्सन, परिमार्जन, हस्तान्तरण र बिरामीलाई सेवा प्रदान गर्ने विषयमा छुट्टै व्यावहारिक मार्गदर्शन पनि उपलब्ध गराएको छ।
.gif)
सम्बन्धित खबर.png)
.png)
.png)
.png)
.png)
.png)
.png)
तपाईंको प्रतिक्रिया