एयर क्यानाडाले बोइङ ७३७ म्याक्सबाट सञ्चालन हुने तीन युरोपेली उडान बन्द गर्ने

अन्टारियो। एयर क्यानाडाले बोइङ ७३७ म्याक्स ८ विमानबाट सञ्चालन गर्दै आएका तीनवटा लामो दूरीका युरोपेली उडान बन्द गर्ने भएको छ।

कम्पनीले ती गन्तव्यमा एयरबस ए-३२१एक्सएलआर विमान प्रयोग गर्ने तयारी गरेको छ।

बन्द हुने उडानमा ह्यालिफ्याक्स-लन्डन हिथ्रो, मोन्ट्रियल-एडिनबरा र मोन्ट्रियल-नान्टेस रुट रहेका छन्। यी तीनवटै उडान एट्लान्टिक पार गरेर युरोप पुग्ने सेवा हुन्।

एयर क्यानाडाले भने केही अन्य एट्लान्टिक रुटमा बोइङ ७३७ म्याक्स ८ को प्रयोग जारी राख्नेछ। आगामी गर्मीयाममा ह्यालिफ्याक्स-ब्रसेल्स, मन्ट्रियल तथा टोरन्टो-केफ्लाभिक र टोरन्टो-पोन्ता डेलगाडा रुटमा यो विमान सञ्चालन गर्ने योजना छ।

एयर क्यानाडाको बोइङ ७३७ म्याक्स ८ विमानमा १७७ सिट छन्। तीमध्ये १२ बिजनेस क्लास, १८ अतिरिक्त खुट्टा फैलाउन मिल्ने सिट र १४७ सामान्य इकोनोमी सिट रहेका छन्।

विमान परिवर्तनसँगै एयर क्यानाडाले लामो दूरीका उडानमा साँघुरो शरीर भएका विमानको क्षमता र उपयोगितालाई पुनः व्यवस्थित गर्न खोजेको देखिन्छ।

ए-३२१एक्सएलआर विमान लामो दूरीका उडानका लागि तयार गरिएको एयरबसको साँघुरो 'बडी' भएको विमान हो।

सम्बन्धित खबर

क्यानाडाले २०२७ भित्र ६ लाख २२ हजार जनालाई ‘पीआर’ दिने

'सन् २०२७ का लागि क्यानाडा विश्वकै सबैभन्दा सुरक्षित देश'

क्यानाडाको नयाँ शरणार्थी नियम: अनलाइन प्रणाली र कडा समयसीमा