भीरमा हाँसेको फूल
कुबेर विष्ट
मंगलबार मङ्सिर २, २०८३ | Tuesday November 17,2026
भुर्र भुर्र उड्नुअघि, चरा भएर
सिक्नुपर्छ कला त्यो, बचेरा भएर।
यहाँ विष सहन, विष पिउनुपर्छ
सर्प बोक्नुपर्छ, सपेरा भएर।
नडराउनु तिमीले उचाइ लिन
अड्याउनेछु सधैँ म जरा भएर।
भीरमा फुलेर नि फूल हाँसेको छ
दिएको छ भर कसैले, लहरा भएर।
न सक्छौ तिमी फूल बनेर फुलिरहन
न म सक्छु, घुमिरहन भमरा भएर।
गाह्रो छ रोक्न जीवनको आँधीबेहरी
रापताप सहँदै, निस्कन हिरा भएर।
भुर्र भुर्र उड्नुअघि, चरा भएर
सिक्नुपर्छ कला त्यो, बचेरा भएर।
-टोरन्टो, क्यानाडा

सम्बन्धित खबर.png)
.png)
.png)








.png)




.png)






तपाईंको प्रतिक्रिया